ഫറോക്ക്: പ്ലസ്‌വണ്‍ വിദ്യാര്‍ഥിയെ പ്രകൃതിവിരുദ്ധ പീഡനത്തിനിരയാക്കിയെന്ന പരാതിയില്‍ രണ്ടു പേര്‍ക്കെതിരേ പൊലിസ് കേസെടുത്തു.
ഫാറൂഖ് കോളജ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിയുമായി ബന്ധപ്പെട്ട പരാതിയിലാണ് പോക്‌സോ നിയമപ്രകാരം പൊലിസ് കേസെടുത്തത്.
നേരത്തെയുണ്ടായ സംഭവത്തില്‍ മാനസികമായി തകര്‍ന്ന വിദ്യാര്‍ഥിയെ കൗണ്‍സിലിങ്ങിന് വിധേയമാക്കിയതിനെ തുടര്‍ന്നാണ് പീഡന വിവരം പുറത്തറിയുന്നത്.
തുടര്‍ന്ന് ജില്ലാ ശിശുസംരക്ഷണ വിഭാഗത്തിലെ ജീവനക്കാര്‍ വിവരം ഫറോക്ക് പൊലിസിന് കൈമാറുകയായിരുന്നു.
സ്‌കൂളിനു സമീപത്തുള്ളവരാണ് കേസിലെ പ്രതികളെന്നാണ് പ്രാഥമിക വിവരം. നല്ലളം സി.ഐ വിനോദിനാണ് കേസിന്റെ അന്വേഷണച്ചുമതല.