വാഷിങ്ടണ്‍: ഇറാന്‍ സൈന്യമായ റെവല്യുഷനറി ഗാര്‍ഡിലെ ഉയര്‍ന്ന ഉദ്യോഗസ്ഥര്‍ക്കെതിരേ യു.എസ് ഉപരോധം. യമനിലെ ഹൂതി വിമതര്‍ക്ക് ബാലിസ്റ്റിക് മിസൈല്‍ കൈമാറുന്നുണ്ടെന്ന ആരോപണം ഉന്നയിച്ചാണ് ഉപരോധം ഏര്‍പ്പെടുത്തിയത്.
റെവല്യൂഷനറി ഗാര്‍ഡിന്റെ വ്യോമയാന കമാന്‍ഡര്‍ മഹ്മൂദ് ബഗേരി കസമാബദ്, വ്യോമയാന വിഭാഗത്തിലെ മുതിര്‍ന്ന അംഗം ആഗാ ജാഫരി, സൈന്യത്തിലെ മറ്റു മൂന്ന് പേര്‍ എന്നിവര്‍ക്കെതിരേയാണ് ഉപരോധം ഏര്‍പ്പെടുത്തിയത്. കൂടാതെ ഹൂതികളെ സഹായിച്ച സൈനിക അംഗങ്ങളും ഉപരോധ പട്ടികയില്‍പ്പെടും. ഉപരോധം ഏര്‍പ്പെടുത്തുന്നതോടെ യു.എഎസിന്റെ അധികാര പരധിയിലുള്ള ഇവരുടെ സ്വത്തുക്കള്‍ മരവിപ്പിക്കും.