ജമ്മുകശ്മീര്‍: ജമ്മുകശ്മിരില്‍ വെടി നിര്‍ത്തല്‍ കരാര്‍ ലംഘിച്ച് വീണ്ടും പാകിസ്താന്‍. കത്‌വ, സാംബ, ജമ്മു സെക്ടറുകളില്‍ നടത്തിയ വെടിവയ്പില്‍ അഞ്ചു സിവിലിയന്‍മാര്‍ കൊല്ലപ്പെട്ടു. ഒമ്പതുപേര്‍ക്ക് പരുക്കേറ്റിട്ടുണ്ട്.
ഇന്നലെ രാവിലെ ഒമ്പതു മണിയോടെയായിരുന്നു വെടിവയ്പ്. തുടര്‍ച്ചയായി ഒമ്പതാം ദിവസമാണ് പാകിസ്താന്‍ വെടിനിര്‍ത്തല്‍ കരാര്‍ ലംഘിക്കുന്നത്. എട്ടുമാസം പ്രായമുള്ള കുട്ടിയടക്കം 12 പേരാണ് കഴിഞ്ഞ ഒരാഴ്ചക്കിടയില്‍ പാക് ഷെല്ലിങില്‍ കൊല്ലപ്പെട്ടത്.