തൃക്കരിപ്പൂര്‍: വിനോദസഞ്ചാരം, വിദ്യാഭ്യാസം, കൃഷി എന്നിവയ്ക്ക് ഊന്നല്‍ നല്‍കി വലിയപറമ്പ പഞ്ചായത്ത് ബജറ്റ്. 96,317,000 വരവും 752,017 രൂപ മിച്ചവും പ്രതീക്ഷിക്കുന്ന ബജറ്റ് പഞ്ചായത്ത് വൈസ് പ്രസിഡന്റ് എം.വി സരോജിനിയാണ് അവതരിപ്പിച്ചത്. പ്രസിഡന്റ് എം.ടി അബ്ദുല്‍ ജബ്ബാര്‍ അധ്യക്ഷനായി. വിനോദ സഞ്ചാര മേഖലയായ വലിയപറമ്പില്‍ വിനോദ സഞ്ചാരികളെ ആകര്‍ഷിക്കുന്നതിന് പദ്ധതികള്‍ ആരംഭിക്കും. ഇതിനായി ധനകാര്യ സ്ഥാപനങ്ങലില്‍ നിന്നുള്ള വായ്പയും ഉപയോഗപ്പെടുത്തി ഒരു കോടി രൂപയുടെ പദ്ധതിയാണ് ലക്ഷ്യമിടുന്നത്. കൂടാതെ നെല്‍കൃഷി വികസനം, പച്ചക്കറി വികസനം, തെങ്ങ് കൃഷിക്ക് ജൈവവളം നല്‍കല്‍ തുടങ്ങി കൃഷി മേഖലയിലും വിദ്യാഭ്യാസത്തിനു മുന്തിയ പരിഗണനയും നല്‍കും.