കൊച്ചി: കേരള ജി.എസ്.ടിയിലെ വ്യവസ്ഥകള്‍ പാലിച്ചില്ലെന്ന പേരില്‍ ഇതര സംസ്ഥാന ലോട്ടറി വില്‍പന തടയാനാവില്ലെന്ന സിംഗിള്‍ബെഞ്ചിന്റെ വിധിക്കെതിരേ സര്‍ക്കാര്‍ നല്‍കിയ അപ്പീല്‍ ഹൈക്കോടതി ഫയലില്‍ സ്വീകരിച്ചു. മിസോറം ലോട്ടറി വിതരണക്കാരായ ടീസ്റ്റ ഡിസ്ട്രിബ്യൂട്ടേഴ്‌സ് നല്‍കിയ ഹരജിയിലാണ് ജി.എസ്.ടി വ്യവസ്ഥ പാലിച്ചില്ലെന്ന പേരില്‍ ഇതര സംസ്ഥാന ലോട്ടറി വില്‍പന തടയരുതെന്ന് സിംഗിള്‍ബെഞ്ച് നിര്‍ദേശിച്ചത്. ലോട്ടറി റെഗുലേഷന്‍ ആക്ടിന്റെ ലംഘനമുണ്ടായാല്‍ പൊലിസിനെയും നികുതി വകുപ്പ് ഉദ്യോഗസ്ഥരെയും അറിയിക്കണമെന്ന ജി.എസ്.ടി നിയമത്തിലെ വ്യവസ്ഥയും സിംഗിള്‍ബെഞ്ച് റദ്ദാക്കിയിരുന്നു.