കാഞ്ഞങ്ങാട്: പ്രസിദ്ധമായ പാറപ്പള്ളി മഖാം ഉറൂസ് നാളെ മുതല്‍ ഏപ്രില്‍ മൂന്നു വരെ നടക്കും. നാളെ ജമാ അത്ത് കമ്മിറ്റി  പ്രസിഡന്റ് ടി.കെ ഖാലിദ് പാറപ്പള്ളി പതാക ഉയര്‍ത്തും. രാത്രി 8.30നു സമ്‌സത കേരള ജംഇയത്തുല്‍ ഉലമ പ്രസിഡന്റ് സയ്യിദ് മുഹമ്മദ്  ജിഫ്രി മുത്തുകോയ തങ്ങള്‍ ഉറൂസ് ഉദ്ഘാടനം ചെയ്യും.
സിംസാറുല്‍ ഹഖ് ഹുദവി  മുഖ്യപ്രഭാഷണം നടത്തും. തുടര്‍ന്നുള്ള ദിവസങ്ങളില്‍ കേരളത്തിലെ പ്രമുഖ വാഗ്മികള്‍ പ്രഭാഷണം നടത്തും. 30നു ഉറൂസിനോടനുബന്ധിച്ച് രണ്ടു അനാഥ പെണ്‍കുട്ടികളുടെ നിക്കാഹ് നടക്കും. ഏപ്രില്‍ രണ്ടിനു നടക്കുന്ന സമാപന സമ്മേളനം നിലേശ്വരം ഖാസി ഇ.കെ മഹമൂദ് മുസ്‌ലിയാര്‍  ഉദ്ഘാടനം ചെയ്യും. മെരുതായി ഉസ്താദ് നാലാങ്കേരി പ്രാര്‍ഥനക്കു നേതൃത്വം നല്‍കും. എപ്രില്‍ മൂന്നിനു പ്രാര്‍ഥനക്കു അബ്ദുല്‍ റഹ്മാന്‍ ബാഅലവി സാദാത്ത് തങ്ങള്‍ നേതൃത്വം നല്‍കും.
തുടര്‍ന്ന് അന്നദാനത്തോടെ  ഉറുസ് സമാപിക്കും. വാര്‍ത്താസമ്മേളനത്തില്‍ ഉറൂസ് കമ്മിറ്റി ഭാരവാഹികളായ ടി.കെ ഖാലിദ്, കെ അബൂബക്കര്‍, ബശീര്‍ പറക്കളായി, പി അബ്ദുല്‍ നാസര്‍, കെ.എം അബ്ദുല്‍ റഹ്മാന്‍, ടി.കെ ഇബ്രാഹിം, എ ഉമ്മര്‍, കെ.എ ഹമീദ് , ടി.എം മുനീര്‍ എന്നിവര്‍ സംബന്ധിച്ചു.