മലപ്പുറം: വാര്‍ഷിക പരീക്ഷയുടെ ചോദ്യപേപ്പറില്‍ കുറവ് വരുത്തി അറബിക് പരീക്ഷയോട് കാണിച്ച അവഗണനയില്‍ കേരള അറബിക് ടീച്ചേഴ്‌സ് ഫെഡറേഷന്‍ കൊണ്ടോട്ടി ഉപജില്ലാ കമ്മിറ്റി പ്രതിഷേധിച്ചു. ഇക്കഴിഞ്ഞ വാര്‍ഷിക പരീക്ഷയുടെ അഞ്ചാം തരത്തിലെ അറബി പരീക്ഷയില്‍ ഒട്ടനവധി സ്‌കൂളുകളില്‍ ലഭിച്ച ചോദ്യ പേപ്പറില്‍ അഞ്ച് പ്രവര്‍ത്തനങ്ങളില്‍ നാലെണ്ണം മാത്രമേ ലഭിച്ചിരുന്നുള്ളു. പ്രസ്തുത വിഷയം എസ്.എസ്.എ അധികാരികളുടെ ശ്രദ്ധയില്‍ പെടുത്തിയപ്പോള്‍ കിട്ടിയ പേപ്പര്‍വച്ച് പരീക്ഷ നടത്താനാണ് ആവശ്യപ്പെട്ടിരുന്നത്. വിദ്യാഭ്യാസ ജില്ല സെക്രട്ടറി എം.ടി അബ്ദുല്‍ റഷീദ് ഉദ്ഘാടനം ചെയ്തു.
പ്രസിഡന്റ് സി.എം.എ ഗഫൂര്‍ അധ്യക്ഷനായി. സംസ്ഥാന കൗണ്‍സില്‍ അംഗം പി.കെ ജലീല്‍ മാസ്റ്റര്‍, മുഹമ്മദ് അഷ്‌റഫ് വെട്ടത്തൂര്‍ ,കെ.ടി. സിദ്ധീഖ്, ലത്തീഫ് മംഗലശ്ശേരി, മന്‍സൂര്‍ കാരാട്, മുഹമ്മദ് റാഫി വാഴയൂര്‍, അബൂബക്കര്‍ മാസ്റ്റര്‍, ടി.സി സജുല ടീച്ചര്‍, ഹക്കീം മാസ്റ്റര്‍, നഫീസ ടീച്ചര്‍ സംസാരിച്ചു.