ചെറുതോണി: പ്ലസ്ടു വിദ്യാര്‍ഥിനിയെ പീഡിപ്പിച്ച കേസില്‍ മൂന്ന് പേര്‍ അറസ്റ്റില്‍.മുഖ്യ പ്രതിയായ കാമുകന്‍ ഒളിവിലാണ്.പേപ്പാറ മംഗലം കവല തോട്ടത്തില്‍ സുധീഷ്(29), എക്‌സകവേറ്റര്‍ ഡ്രൈവര്‍ വാഴത്തോപ്പ് ചെറുപറമ്പില്‍ ജിന്റോ ജയിംസ്(25), നെല്ലിപ്പുഴക്കവല ആനിച്ചുവട്ടില്‍ മനോജ്(23) എന്നിവരെയാണ് ഇടുക്കി സി.ഐ സിബിച്ചന്‍ ജോസഫിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
സ്‌നേഹം നടിച്ച് പെണ്‍കുട്ടിയെ കൂട്ടിക്കൊണ്ടുപോയ സഹപാഠിയായ കാമുകനാണ് ഒളിവില്‍ പോയത്. കഴിഞ്ഞ വ്യാഴാഴ്ച സ്‌കൂളില്‍ പോയ വിദ്യാര്‍ഥിനി വൈകിട്ട് തിരികെ വീട്ടിലെത്താത്തതിനെ തുടര്‍ന്ന് പിതാവ് പൊലിസില്‍ പരാതി നല്‍കുകയായിരുന്നു. തുടര്‍ന്ന് നടത്തിയ അനേഷണത്തില്‍ പെണ്‍കുട്ടി സഹപാഠിയായ കാമുകനൊപ്പം മാങ്കുളത്ത് അടഞ്ഞുകിടന്ന ഒരു വീട്ടില്‍ താമസിക്കുന്നുണ്ടെന്ന് അറിഞ്ഞു. പൊലിസ് എത്തുന്നതറിഞ്ഞ് കാമുകന്‍ പെണ്‍കുട്ടിയെ തനിച്ചാക്കി മുങ്ങി.