തേഞ്ഞിപ്പലം: കാലിക്കറ്റ് സര്‍വകലാശാല പരീക്ഷാ നടത്തിപ്പിലെയും മൂല്യനിര്‍ണയത്തിലെയും പ്രതിസന്ധി പരിഹരിച്ച് ഏപ്രില്‍, മെയ് മാസങ്ങളില്‍ നടന്ന രണ്ടും നാലും സെമസ്റ്റര്‍ ബിരുദ പരീക്ഷകളുടെ ഫലം പ്രസിദ്ധീകരിക്കാത്ത സര്‍വകലാശാല നടപടിക്കെതിരേ വള്ളിക്കുന്ന് മണ്ഡലം എം.എസ്.എഫ് പരീക്ഷാ ഭവന്‍ മാര്‍ച്ച് നടത്തി.ബിരുദ രണ്ട്, മൂന്ന്, നാല് സെമസ്റ്ററുകളുടെ റിസല്‍ട്ടുകള്‍ ഏപ്രില്‍ 22നും നാലാം സെമസ്റ്റര്‍ ബി.ടെക് ഫലം ഏപ്രില്‍ ഒന്നിനും പ്രസിദ്ധീകരിക്കുമെന്ന് പരീക്ഷ കണ്‍ട്രോളര്‍ എം.എസ്.എഫ് നേതാക്കളുമായി നടത്തിയ ചര്‍ച്ചയില്‍ ഉറപ്പ് നല്‍കി.
വള്ളിക്കുന്ന് മണ്ഡലം എം എസ് എഫ് പ്രസിഡന്റ് എം കെ എം സാദിഖ് ഉദ്ഘാടനം ചെയ്തു. റാഷിദ് പാഴേരി അധ്യക്ഷനായി. കെ ടി സഹദ്, ശിഹാബ് ചേലമ്പ്ര, ടി പി നബീല്‍, ഇര്‍ഷാദ് കൊട്ടപ്പുറം, സുഹൈല്‍ പാറക്കടവ്, നിസാം ചേളാരി, ജാസിര്‍ തങ്ങള്‍, ഫവാസ് പള്ളിക്കല്‍, സകരിയ പെരുവള്ളൂര്‍, ഇര്‍ഫാദ് പള്ളിക്കല്‍, മന്‍സൂര്‍ കുമ്മിണിപറന്പ് എന്നിവര്‍ പങ്കെടുത്തു.
.