പാരിസ്: ഇസ്താംബൂളിലെ അത്താതുര്‍ക്ക് വിമാനത്താവളത്തില്‍ ഉണ്ടായ ഭീകരാക്രമണത്തില്‍ കൊല്ലപ്പെട്ടവര്‍ക്ക് ആദരാഞ്ജലിയര്‍പ്പിച്ച് യൂറോ കപ്പിലെ ക്വാര്‍ട്ടര്‍ മത്സരത്തില്‍ മൗനപ്രാര്‍ഥന നടത്തണമെന്ന അപേക്ഷ യുവേഫ തള്ളി. അക്രമം ഫുട്‌ബോളുമായി നേരിട്ട് ബന്ധമുള്ളതല്ലെന്നതിനെ തുടര്‍ന്നാണ് യുവേഫ തള്ളിയത്. 

ടൂര്‍ണമെന്റില്‍ തുര്‍ക്കി കളിച്ചിരുന്നെന്ന് കാണിച്ചായിരുന്നു മൗന പ്രാര്‍ഥനയ്ക്ക് അനുവാദം ചോദിച്ചത്. എന്നാല്‍ ടൂര്‍ണമെന്റ് സംഘടിപ്പിക്കുന്ന രാജ്യത്തല്ല സ്‌ഫോടനം നടന്നതെന്ന് യുവേഫ പ്രസ്താവനയില്‍ വ്യക്തമാക്കി. നേരത്തെ ഫ്രാന്‍സില്‍ നടന്ന ഭീകരാക്രമണത്തെ യുവേഫ അപലപിക്കുകയും കളിക്കാര്‍ക്ക് ദുഃഖസൂചകമായി കറുത്ത ബാന്‍ഡ് അണിയാമെന്ന് അറിയിക്കുകയും ചെയ്തിരുന്നു.