പാപ്പിനിശ്ശേരി: പാളിയത്ത്‌വളപ്പ് ശ്രീമുത്തപ്പന്‍ മടപ്പുര തിരുവപ്പന മഹോത്സവം മാര്‍ച്ച് 30,31 ഏപ്രില്‍ ഒന്ന് തിയതികളില്‍ നടക്കും. 30ന് നാലിന് മോറാഴ ശ്രീകുവ്വപ്രത്ത് പുതിയഭഗവതി ക്ഷ്രേത്രത്തില്‍  നിന്ന് ആരംഭിക്കുന്ന കലവറ നിറക്കല്‍ ഘോഷയാത്രയോടെ മഹോത്സവത്തിന് തുടക്കമാകും.
 രാത്രി ഏഴിന്  ആദ്യകാല പ്രവര്‍ത്തകരെ ആദരിക്കല്‍ പരിപാടിയില്‍ സിനിമ പിന്നണി ഗായകന്‍ ചെറുകുന്ന് രാമചന്ദ്രന്‍ പങ്കെടുക്കും.
തുടര്‍ന്ന് കുട്ടികളുടെ കലാപരിപാടികള്‍,  കോല്‍ക്കളി, ഭക്തിഗാനമേളയും നടക്കും. 31 ന് രാത്രി ഏഴിന് ഗംഭീര കാഴ്ചവരവ് ,കളിക്കപ്പാട്ട്, കലശം എഴുന്നള്ളിപ്പ് തുടങ്ങിയവയും നടക്കും. സമാപന ദിവസമായ ഏപ്രില്‍ ഒന്നിന് രാവിലെ അഞ്ചിന് തിരുവപ്പന വെള്ളാട്ടം , ഗുളികന്‍തിറ എന്നിവ  നടക്കും.