ഇരിങ്ങാലക്കുട: ചെട്ടിപ്പറമ്പ് കനാല്‍ ബേസ് കോളനിയില്‍ മോന്തചാലില്‍ വിജയനെ വീട്ടില്‍ക്കയറി വെട്ടിക്കൊലപ്പെടുത്തിയ കേസില്‍ രണ്ടുപേര്‍ കൂടി പിടിയില്‍. മൂര്‍ക്കനാട് സ്വദേശി അഭിനന്ദ് എന്ന മാന്‍ട്രു (20), കിഴുത്താണി പുളിക്കല്‍ വീട്ടില്‍ സാഗവ് (19) എന്നിവരാണ് പിടിയിലായത്.
സംഭവംനടന്ന് മണിക്കൂറുകള്‍ക്കകം അഞ്ചു പ്രതികളെ പൊലിസ് പിടികൂടിയിരുന്നു. അഭിനന്ദിന് കാട്ടൂര്‍, മതിലകം, ഇരിങ്ങാലക്കുട സ്റ്റേഷനുകളില്‍ വധശ്രമമടക്കം നിരവധി കേസുകള്‍ നിലവിലുണ്ട്. സാഗവ് മയക്കുമരുന്ന് വില്‍പന നടത്തുന്ന സംഘത്തിലെ കണ്ണിയാണ്.