മണ്ണാര്‍ക്കാട്: മണ്ണാര്‍ക്കാട് ബി.ആര്‍.സിയുടെ ആഭിമുഖ്യത്തില്‍ സംഘടിപ്പിച്ച പെണ്‍കുട്ടികള്‍ക്കുള്ള മാര്‍ഷ്യല്‍ ആര്‍ട്‌സ്-കരാട്ടേ പരിശീലനം എടത്തനാട്ടുകര ടി.എ.എം.യു.പി സ്‌കൂളില്‍ സമാപിച്ചു. 30 ദിവസങ്ങളിലായി നടന്ന പരിശീലന പരിപാടിയില്‍ വിവിധ വിദ്യാലയങ്ങളില്‍നിന്നായി 50 യു.പി ക്ലാസുകളിലെ പെണ്‍കുട്ടികളാണ് പങ്കെടുത്തത്.
പരിപാടി ഗ്രാമപഞ്ചായത്ത് അംഗം ടി. അഫ്‌സറ ഉദ്ഘാടനം ചെയ്തു. ഗ്രാമപഞ്ചായത്തംഗം കെ.ടി. അബ്ദുല്‍നാസര്‍ അധ്യക്ഷനായി. മണ്ണാര്‍ക്കാട് ബി.ആര്‍.സി പരിശീലകന്‍ എം. അബ്ബാസ്, കെ. മുഹമ്മദാലി, ഹെഡ്മാസ്റ്റര്‍ കെ.പി. ഉമ്മര്‍, നൗഷാദ് പുത്തംങ്കോട്ട്, ടി.പി. സഷീര്‍, കരാട്ടെ പരിശീലകന്‍ അസീസ്, സ്റ്റാഫ് സെക്രട്ടറി ഹംസ പുളിക്കല്‍ പ്രസംഗിച്ചു.