കയ്പമംഗലം: കഴിമ്പ്രം വി.പി.എം എസ്.എന്‍.ഡി.പി ഹയര്‍സെക്കന്‍ഡറി സ്‌കൂളില്‍ 'മികവാനന്ദം 2016' സംഘടിപ്പിച്ചു. സി.എന്‍ ജയദേവന്‍ എം.പി ഉദ്ഘാടനം ചെയ്തു. പി.ടി.എ പ്രസിഡന്റ് പ്രേംകുമാര്‍ തൈപ്പറമ്പത്ത് അധ്യക്ഷനായി. എസ്.എന്‍.ഡി.പി യോഗം നാട്ടിക യൂനിയന്‍ പ്രസിഡന്റ് ഉണ്ണികൃഷ്ണന്‍ തഷ്ണാത്ത് എന്റോവ്‌മെന്റ് വിതരണവും, വലപ്പാട് ഗ്രാമപഞ്ചായത്ത് പ്രസിഡന്റ് ഇ.കെ തോമസ് ഉപഹാര സമര്‍പ്പണവും നടത്തി. എസ്.എന്‍.ഡി.പി യോഗം എഡ്യൂക്കേഷന്‍ സെക്രട്ടറി സി.പി സുദര്‍ശനന്‍ മുഖ്യാതിഥിയായി. വലപ്പാട് എ.ഇ.ഒ ടി.ഡി അനിത കുമാരി മികച്ച എന്‍.സി.സി കേഡറ്റിനുള്ള അവാര്‍ഡ് വിതരണം ചെയ്തു.
നാട്ടിക എസ്.എന്‍ കോളജ് പ്രിന്‍സിപ്പല്‍ അനിത ശങ്കര്‍ ഗോള്‍ഡ് മെഡല്‍ വിതരണവും, ഉണ്ണികൃഷ്ണന്‍ തൈപ്പറമ്പത്ത് ബെസ്റ്റ് സ്‌കൂള്‍ ഉപഹാര സമര്‍പ്പണവും നടത്തി. മുന്‍ പ്രിന്‍സിപ്പാള്‍ വി.ആര്‍ രാജേന്ദ്രന്‍ വിവിധ ക്ലബ്ബുകളുടെ ഉദ്ഘാടനവും നിര്‍വഹിച്ചു. ബ്ലോക്ക് പഞ്ചായത്തംഗം യദു കൃഷ്ണന്‍, വലപ്പാട് പഞ്ചായത്തംഗം ബിന്ദു രാജു, ചാവക്കാട് ഡി.ഇ.ഒ കെ.സുമതി, പ്രിന്‍സിപ്പല്‍ കെ.എസ് ചിത്തിര, പ്രധാന അധ്യാപകന്‍ എം.കെ മനോജ് സംസാരിച്ചു.