.
കയ്പമംഗലം: മുസ്‌ലിം ലീഗ് ചാമക്കാല ശാഖാ കമ്മിറ്റിയും ദുബായ് കെ.എം.സി.സിയും സംയുക്തമായി നിര്‍മിച്ച് നല്‍കുന്ന ബൈത്തുറഹ്മയുടെ ശിലാസ്ഥാപനവും റമദാന്‍ റിലീഫ് വിതരണവും നടത്തി. പാണക്കാട് സാബിഖലി ശിഹാബ് തങ്ങള്‍ കാരുണ്യ ഭവനത്തിന്റെ ശിലാസ്ഥാപനം നിര്‍വഹിച്ചു. ശാഖാ പ്രസിഡന്റ് ഇ.കെ മുഹമ്മദ് ഹാജി അധ്യക്ഷനായി. മുസ്‌ലിം ലീഗ് മണ്ഡലം പ്രസിഡന്റ് പി.ബി താജുദ്ദീന്‍ റമദാന്‍ റിലീഫ് വിതരണം ഉദ്ഘാടനം ചെയ്തു.
യൂത്ത് ലീഗ് ജില്ലാ ജനറല്‍ സെക്രട്ടറി കെ.കെ അഫ്‌സല്‍ ശിഹാബ് തങ്ങള്‍ അനുസ്മരണം നടത്തി. പഞ്ചായത്തംഗങ്ങളായ ഷെറീന ഹംസ, പി.എ അബ്ദുള്‍ ജലീല്‍, പി.എ മൊയ്തു, പി.കെ ഷംസുദ്ദീന്‍, പി.കെ ഹംസ, പി.കെ അബ്ദു റഹ്മാന്‍ മാസ്റ്റര്‍, സി.പി അക്ബര്‍ ഹാജി, എം.എച്ച് മുഹമ്മദാലി എന്നിവര്‍ സംസാരിച്ചു.