തെരഞ്ഞെടുപ്പിന്റെ വിധിനിര്‍ണയിക്കുന്നതില്‍ കന്നിവോട്ടര്‍മാര്‍ നിര്‍ണായകമാവും. മലപ്പുറം മണ്ഡലത്തില്‍ 1,14,975 പുതിയ വോട്ടര്‍മാരുണ്ടെന്നാണ് കണക്ക്. ഈ യുവ വോട്ടര്‍മാര്‍ ആരെ പിന്തുണയ്ക്കുമെന്ന ചര്‍ച്ച സജീവമാണ്. ഏറ്റവും കൂടുതല്‍ പുതിയ വോട്ടര്‍മാരുള്ളത് മങ്കട മണ്ഡലത്തിലാണ്. 18,127. കൊണ്ടോട്ടിയില്‍ 18,126ഉം പെരിന്തല്‍മണ്ണയില്‍ 16,643ഉം പുതുവോട്ടര്‍മാരുണ്ട്. മലപ്പുറം(16360), വള്ളിക്കുന്ന് (15966), വേങ്ങര(14731) എന്നിങ്ങനെയാണ് പുതുവോട്ടര്‍മാരുടെ കണക്കുകള്‍. പുതുവോട്ടര്‍മാര്‍മാരുടെ എണ്ണം കൂടിയത് തങ്ങള്‍ക്ക് അനുകൂലമാണെന്ന് ഇരു മുന്നണികളും വാദിക്കുന്നുണ്ട്. പരമാവധി പുതിയ വോട്ടുകള്‍ സമാഹരിക്കാനാണ് യു.ഡി.എഫും എല്‍.ഡി.എഫും ശ്രമിക്കുന്നത്. പുതിയ വോട്ടര്‍മാരെ ആകര്‍ഷിക്കാനുള്ള വിവിധ പരിപാടികളുമായി ഇരുമുന്നണികളും സജീവമാണ്.