ചെമ്പേരി: പരിസ്ഥിതിലോല മേഖലകളിലെ ക്വാറികള്‍ക്ക് അനുമതി നല്‍കേണ്ടതില്ലെന്ന് ഏരുവേശി മണ്ഡലം കോണ്‍ഗ്രസ് കമ്മിറ്റി പ്രസിഡന്റ് ജോസഫ് കൊട്ടുകാപ്പള്ളി. ഏരുവേശ്ശി പഞ്ചായത്തില്‍ ഈ വര്‍ഷം മുതല്‍ ക്വാറികള്‍ക്ക് ലൈസന്‍സ് പുതുക്കി നല്‍കേണ്ടതില്ലെന്ന് പഞ്ചായത്ത് പ്രസിഡന്റിനോട് നിര്‍ദേശിച്ചു. ഈ പ്രദേശങ്ങള്‍ താരതമ്യേന പരിസ്ഥിതി ദുര്‍ബല മേഖലകളുമാണ്. ക്വാറികള്‍ ഉള്‍പ്പെടുന്ന വാര്‍ഡുകളില്‍ ജനങ്ങളുടെ വീടുകള്‍ക്കും വിളകള്‍ക്കും നാശനഷ്ടമുണ്ടാകുന്നതിന് പുറമേ രൂക്ഷമായ ജലദൗര്‍ലഭ്യവും അനുഭവപ്പെടുന്നു. കരിങ്കല്‍ ക്വാറികള്‍ക്ക് എതിരെ ശക്തമായ ജനവികാരമാണ് ഉയരുന്നത്.
 ഭരണ സമിതി തീരുമാനം അംഗീകരിച്ചു പ്രവര്‍ത്തിക്കുമെന്നും ജോസഫ് കൊട്ടുകാപ്പള്ളി അറിയിച്ചു.