തളിപ്പറമ്പ് : പ്രാദേശിക മാധ്യമങ്ങള്‍ സമൂഹത്തില്‍ സ്വാധീന ശക്തികളാകുന്നുവെന്നും അത് കേരളത്തിലെ ജനാധിപത്യത്തിന്റെ ശക്തി വര്‍ധിപ്പിക്കുന്നുവെന്നും കേരള നിയമസഭാ സ്പീക്കര്‍ പി ശ്രീരാമകൃഷ്ണന്‍ പറഞ്ഞു.
തളിപ്പറമ്പ് പ്രസ്സ്‌ഫോറവും ആനിമല്‍ ആന്റ് ബേര്‍ഡ്‌സ് വെല്‍ഫെയര്‍ ട്രസ്റ്റും സംയുക്തമായി ഏര്‍പ്പെടുത്തിയ കണ്ണൂര്‍-കാസര്‍കോട് ജില്ലകളിലെ മികച്ച പത്രപ്രവര്‍ത്തകനുള്ള അവാര്‍ഡ്ദാനവും കാരുണ്യനിധി ഉദ്ഘാടനവും നിര്‍വ്വഹിച്ച് സംസാരിക്കുകയായിരുന്നു അദ്ദേഹം. മാധ്യമം ദിനപത്രം പാപ്പിനിശ്ശേരി ലേഖകന്‍ പി.പി മോഹനന്‍ അവാര്‍ഡ് ഏറ്റുവാങ്ങി.
തളിപ്പറമ്പ് പ്രസ്‌ഫോറം പ്രസിഡന്റ് എം ഹുസൈന്‍ അധ്യക്ഷനായി. കാരുണ്യനിധി ഉദ്ഘാടനം ജയിംസ് മാത്യു എം.എല്‍.എയും ഉന്നത വിജയം നേടിയ പ്രസ്‌ഫോറം അംഗങ്ങളുടെ മക്കള്‍ക്കുള്ള അനുമോദനം തളിപ്പറമ്പ് നഗരസഭാ ചെയര്‍മാന്‍ അള്ളാംകുളം മഹമൂദും, സപ്ലിമെന്റ് പ്രകാശനം ആന്തൂര്‍ നഗരസഭാ ചെയര്‍പേഴ്‌സണ്‍ പി.കെ ശ്യാമളയും നിര്‍വഹിച്ചു.
ജില്ലാ പഞ്ചായത്ത് പ്രസിഡന്റ് കെ.വി സുമേഷ് മുഖ്യാതിഥിയായിരുന്നു. കെ.ടി ശശി, കെ സുനില്‍ കുമാര്‍, വേലിക്കാത്ത് രാഘവന്‍, സി അരവിന്ദാക്ഷന്‍, എം.കെ മനോഹരന്‍, പി.പി മോഹനന്‍ സംസാരിച്ചു.
ഐ ദിവാകരന്‍ സ്വാഗതവും, എം.വി രാജേഷ് നന്ദിയും പറഞ്ഞു.