മട്ടാഞ്ചേരി: ജനകീയ ജലസംരക്ഷണ പരിപാടിയുടെ ഭാഗമായി കൊച്ചങ്ങാടിയിലെ ജലസ്രോതസ് ശുചീകരിച്ചു. സി.പി.എം കൊച്ചി ഏരിയാ കമ്മിറ്റിയുടെ നേതൃത്വത്തില്‍ നൂറ്റാണ്ടുകള്‍ പഴക്കമുള്ള കൊച്ചങ്ങാടിയിലെ ആണ്ടാകുളമാണ് ശുചീകരിച്ചത്.
മുന്‍ കാലങ്ങളില്‍ നാട്ടുകാര്‍ പ്രാഥമിക ആവശ്യങ്ങള്‍ക്കായി ഉപയോഗിച്ചിരുന്നതാണ് കുളം. തുടര്‍ന്ന് മാലിന്യം അടിയാന്‍ തുടങ്ങിയതോടെ നാട്ടുകാര്‍ കുളം ഉപേക്ഷിച്ചു. എന്നാല്‍ ജലസംരക്ഷണ പരിപാടിയുടെ ഭാഗമായി സി.പി.എം കുളം ശുചീകരിക്കാന്‍ എത്തിയതോടെ നാട്ടുകാരും പങ്കാളിയാക്കുകയായിരുന്നു.
രാവിലെ സി.പി.എം ഏരിയ സെക്രട്ടറി കെ.എം റിയാദ് ഉദ്ഘാടനം ചെയ്തു. ലോക്കല്‍ സെക്രട്ടറി കെ ജെസാജു, എ എച്ച് നിയാസ്, വിപിന്‍രാജ്, സി.എച്ച് ആസിഫ്, പി എം സനീഷ്. അജീബ്, കൗണ്‍സിലര്‍ സുനിത അഷറഫ് എന്നിവര്‍ സംസാരിച്ചു.