സുല്‍ത്താന്‍ ബത്തേരി: കാലിക്കറ്റ് യൂണിവേഴ്‌സിറ്റി പാരലല്‍ വിദ്യാര്‍ഥികളുടെ സര്‍ട്ടിഫിക്കറ്റിന്റെ നിറംമാറ്റി വിവേചനം സൃഷ്ടിക്കുന്ന യു.ജി.സി നയത്തില്‍ പ്രതിഷേധിച്ച് എസ്.എഫ്.ഐയുടെ നേതൃത്വത്തില്‍ ബത്തേരി കോഓപ്പറേറ്റീവ് കോളജിലെ വിദ്യര്‍ഥികള്‍ യു.ജി.സിക്ക് കൂട്ട ഇമെയില്‍ അയച്ച് പ്രതിഷേധിച്ചു. പാരലല്‍ മേഖലയിലെ വിദ്യാര്‍ഥികളോടുള്ള വിവേചന പരമായ നിലപാട് പിന്‍വലിക്കണമെന്നും എസ്.എഫ്.ഐ ആവശ്യപ്പെട്ടു. എസ്.എഫ്.ഐ ജില്ലാ പ്രസിഡന്റ് മുഹമ്മദ് ഷാഫി പ്രതിഷേധ പരിപാടി ഉദ്ഘാടനം ചെയ്തു. അജ്മല്‍ ആനപ്പാറ അധ്യക്ഷനായി. കെ.ജെ ഹരികൃഷ്ണന്‍, അര്‍ജുന്‍ ഗോപാല്‍, ശ്രീജിത്ത്, ടി.പി ഋതുശോഭ് സംസാരിച്ചു.