കൊച്ചി: വിദ്യാഭ്യാസ സ്ഥാപനങ്ങളില്‍ ആഘോഷങ്ങളുടെ ഭാഗമായി വാഹനങ്ങളിലെ അതിരുവിട്ട അഭ്യാസ പ്രകടനങ്ങള്‍ അനുവദിക്കരുതെന്ന കര്‍ശന നിര്‍ദേശവുമായി ഹൈക്കോടതി. ഇതുസംബന്ധിച്ച്  പൊലിസ് മേധാവിയും ഗതാഗത കമ്മിഷണറും നടപടി  ഉറപ്പ് വരുത്തണമെന്നും നിര്‍ദേശത്തില്‍ കോടതി വ്യക്തമാക്കി. കോഴിക്കോട് ഫാറൂഖ് കോളജിലേയും കണ്ണൂര്‍ കോളജിലെയും അതിരുവിട്ട ഓണാഘോഷത്തിനെതിരേ പ്രോസിക്യൂഷന്‍ നടപടികള്‍ വേണമെന്നും ജസ്റ്റിസ് അനില്‍ കെ നരേന്ദ്രന്‍ ഉള്‍പ്പെട്ട ഡിവിഷന്‍ ബഞ്ച്  ഉത്തരവിട്ടു. 

മാധ്യമ വാര്‍ത്തകളുടെ അടിസ്ഥാനത്തിലാണ്  കോളജുകളിലെ ഓണാഘോഷത്തിനിടെയുള്ള വാഹന അഭ്യാസത്തില്‍ ഹൈക്കോടതി ഇടപെട്ടത്. കോഴിക്കോട്  കണ്ണൂര്‍ കോളജുകളില്‍ ഉപയോഗിച്ച മുഴുവന്‍ വാഹനങ്ങളും  കസ്റ്റഡിയിലെടുത്ത് പരിശോധന നടത്താന്‍ കോടതി നിര്‍ദേശം നല്‍കി. വാഹനങ്ങള്‍ രൂപമാറ്റം വരുത്തിയിട്ടുണ്ടോയെന്ന് മോട്ടോര്‍ വാഹന വകുപ്പിലെ ഉന്നത ഉദ്യോഗസ്ഥര്‍ പരിശോധിക്കണം. വാഹനത്തില്‍ അഭ്യാസം നടത്തിയ വിദ്യാര്‍ഥികളുടെ വിവരങ്ങള്‍ കോടതിക്ക് കൈമാറണമെന്നും കോടതി നിര്‍ദേശിച്ചു.

സംഭവത്തില്‍ നടപടി സ്വീകരിച്ചതായും  വാഹനമോടിച്ചയാളുടെ ലൈസന്‍സ് റദ്ദാക്കുന്നത് പരിശോധിക്കുമെന്നും മോട്ടോര്‍ വാഹന വകുപ്പ് കോടതിയെ അറിയിച്ചു.എട്ട് വാഹനങ്ങള്‍ പിടിച്ചെടുത്തു. പിടിച്ചെടുത്ത വാഹനങ്ങളുടെ ഫോട്ടോയും കോടതിക്ക് കൈമാറി. വാഹന ഉടമയ്ക്കും ഡ്രൈവര്‍ക്കുമെതിരെ പ്രോസിക്യൂഷന്‍ നടപടി സ്വീകരിക്കണമെന്നാണ് ഡിവിഷന്‍ ബഞ്ചിന്റെ ഉത്തരവ്. ഗതാഗത കമ്മിഷണര്‍ വിശദമായ റിപ്പോര്‍ട്ട് നല്‍കണമെന്ന് നിര്‍ദേശിച്ച കോടതി ഹരജി 27ന് പരിഗണിക്കാന്‍ മാറ്റി. വിദ്യാഭ്യാസ സ്ഥാപനങ്ങളില്‍ ഇത്തരം അഭ്യാസം അനുവദിക്കരുതെന്ന് കോടതി ഉത്തരവിട്ടു.  കറുത്ത വസ്ത്രങ്ങളണിഞ്ഞ്  ബഹളത്തോടെ ഓഡി അടക്കമുള്ള ആഡംബര വാഹനങ്ങളിലായിരുന്നു ഫാറൂഖ് കോളജ് വിദ്യാര്‍ഥികള്‍  റോഡ് ഷോ നടത്തിയത്.

The Kerala High Court has mandated that educational institutions prohibit excessive vehicle performances during college events, following severe violations reported at Farook College and Kannur College. The court directed police and traffic authorities to ensure compliance and ordered the seizure and inspection of vehicles involved. The court also instructed the Motor Vehicles Department to review the licenses of those involved and consider prosecution. The case highlights the need for strict regulations on vehicle use in college celebrations.