കോഴിക്കോട്: പാവങ്ങള്‍ പാര്‍ശ്വവല്‍കരിക്കപ്പെടുന്ന പുതിയ ലോകത്ത് ആതുര സേവനത്തിനും ദാരിദ്ര്യ നിര്‍മാര്‍ജനത്തിനും വലിയ പ്രധാന്യം നല്‍കണമെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍ പറഞ്ഞു. ഖുര്‍ആന്‍ സ്റ്റഡി സെന്റര്‍ കേന്ദ്ര കമ്മിറ്റിയുടെ കീഴില്‍ കോഴിക്കോട് അരിയടത്തുപാലം ഗ്രൗണ്ടില്‍ നടന്നുവരുന്ന റമദാന്‍ പ്രഭാഷണത്തിന്റെ അഞ്ചാം ദിന പരിപാടിയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. എം.സി മായിന്‍ ഹാജി അധ്യക്ഷനായി. ഇ.ടി മുഹമ്മദ് ബഷീര്‍ എം.പി മുഖ്യാതിഥിയായിരുന്നു. സിംസാറുല്‍ ഹഖ് ഹുദവി മുഖ്യ പ്രഭാഷണം നടത്തി.

ഇന്ന് റഹ്്മത്തുല്ല ഖാസിമി മൂത്തേടം പ്രഭാഷണം നടത്തും. പ്രഭാഷണം നാളെ സമാപിക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പ്രര്‍ഥനാ സദസ്സിന് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും.