വിയന്ന: ആസ്ട്രിയന്‍ തലസ്ഥാനമായ വിയന്നയിലെ സൂപ്പര്‍മാര്‍ക്കറ്റില്‍ വെടിവെപ്പ് നടത്തിയ അക്രമിയെ പൊലിസ് വെടിവെച്ചു കൊന്നു. സംഭവത്തില്‍ രണ്ട് പൊലിസുകാര്‍ക്ക് പരുക്കേറ്റു.

ഇന്നലെ വൈകീട്ട് ഏഴോടെയാണ് സംഭവം നടന്നത്. വിയന്ന ഷോണ്‍ബേണ്‍ പാലസിനു സമീപത്തെ ബില്ല സൂപ്പര്‍മാര്‍ക്കറ്റില്‍ എത്തിയ അക്രമി ജീവനക്കാര്‍ക്ക് നേരെ തോക്കുചൂണ്ടി ഭീഷണിപ്പെടുത്തിയ ശേഷം കവര്‍ച്ചയ്ക്ക് ശ്രമിക്കുകയായിരുന്നു.

ഇതൊരു ഭീകരാക്രമണമാണോ എന്ന് വ്യക്തമായിട്ടില്ല. നഗരത്തിന്റെ പല ഭാഗങ്ങളും പൊലിസ് നിയന്ത്രണത്തിലാണ്.