കാസര്‍കോട്: 'ആസക്തിക്കെതിരേ ആത്മസമരം' എന്ന പ്രമേയത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റിയുടെ നേതൃത്വത്തില്‍ നടന്നുവരുന്ന റമദാന്‍ പ്രഭാഷണം മജ്‌ലിസുന്നൂര്‍ സദസോടെ നാളെ സമാപിക്കും.
ഇന്നലെ നടന്ന ചടങ്ങിന്റെ ഉദ്ഘാടനം ബഷീര്‍ ദാരിമി തളങ്കര നിര്‍വഹിച്ചു. എ.ബി.എം കുട്ടി അധ്യക്ഷനായി. അന്‍വര്‍ മുഹ്‌യദ്ദീന്‍ ഹുദവി ആലുവ മുഖ്യപ്രഭാഷണം നടത്തി.
ഇന്ന് എം.എ ഖാസിം മുസ്‌ലിയാര്‍ ഉദ്ഘാടനം ചെയ്യും. താജുദ്ദീന്‍ ദാരിമി പടന്ന അധ്യക്ഷനാകും. നാളെ സമാപന മഹാസംഗമവും ഖത്തര്‍ ഇബ്രാഹിം ഹാജി അനുസ്മരണ സമ്മേളനവും നടക്കും. ത്വാഖ അഹ ്മദ് അല്‍ അസ്ഹരി ചടങ്ങ് ഉദ്ഘാടനം ചെയ്യും.
മജ്‌ലിസുന്നൂര്‍ ആത്മീയ സദസിനും കൂട്ടുപ്രാര്‍ഥനയ്ക്കും ചെറുമോത്ത് ബഷീര്‍ ബാഖവി നേതൃത്വം നല്‍കും. സമാപന പ്രാര്‍ഥനക്ക് സയ്യിദ് നജ്മുദ്ദീന്‍ പൂക്കോയ തങ്ങള്‍ അല്‍ ഹൈദ്രോസി,സയ്യിദ് എന്‍.പി.എം സൈനുല്‍ ആബിദീന്‍ തങ്ങള്‍ എന്നിവര്‍ നേതൃത്വം നല്‍കും.