കാവനൂര്‍: കുടിവെള്ളം, മാലിന്യ സംസ്‌കരണം, പാര്‍പ്പിടം, ആരോഗ്യം, വിദ്യാഭ്യാസം എന്നിവയ്ക്ക് പ്രാധാന്യം നല്‍കി കാവനൂര്‍ പഞ്ചായത്ത് ബജറ്റവതരിപ്പിച്ചു. 15,69,74861 രൂപ വരവും 15,08,13000 ചെലവും 61,61861 നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് കെ.അഹമ്മദാജി അവതരിപ്പിച്ചത്. മാലിന്യ സംസ്‌കരണം, ആശുപത്രികളുടെ അടിസ്ഥാന സൗകര്യ വികസനം, ആരോഗ്യ സംരക്ഷണം, ഭവന നിര്‍മാണം,പൊതുമരാമത്ത്, വിദ്യാഭ്യാസ പുരോഗതി, ഹരിത കേരളം പദ്ധതി നടപ്പാക്കല്‍ തുടങ്ങിയവക്കും ബജറ്റില്‍ തുക വകയിരുത്തിയിട്ടുണ്ട്.
പഞ്ചായത്ത് പ്രസിഡന്റ് കെ.വിദ്യാവതി അധ്യക്ഷയായി. സ്ഥിരംസമിതി അംഗങ്ങളായ പി.ടി ശിവദാസന്‍, കെ.പി റംല, പഞ്ചായത്ത് അംഗങ്ങള്‍ തുടങ്ങിയവര്‍ സംബന്ധിച്ചു.