മലപ്പുറം: ഇലക്‌ട്രോണിക് വോട്ടിങ് മെഷിനുകള്‍ ബാലറ്റ് യൂനിറ്റ് ക്രമീകരണത്തിനായി അസിസ്റ്റന്റ് റിട്ടേണിങ് ഓഫിസര്‍മാര്‍ക്ക് കൈമാറി. ജനറല്‍ ഒബ്‌സര്‍വര്‍ കെ.കെ ഖരെ, എക്‌സ്‌പെന്‍ഡിച്ചര്‍ ഒബ്‌സര്‍വര്‍ പുഷ്‌കല്‍ ഉപാധ്യായ, ജില്ലാകലക്ടര്‍ അമിത് മീണ എന്നിവരുടെ സാന്നിധ്യത്തിലായിരുന്നു വിതരണം. നേരത്തെ ഒന്നാം ഘട്ടത്തില്‍ നിയമസഭ മണ്ഡലം തിരിച്ചുള്ള മെഷിനുകളുടെ റാന്റമൈസേഷന്‍ നടന്നിരുന്നു.
ജില്ലയില്‍ ആകെ 1175 ബൂത്തുകളാണ് ഉള്ളത്. റിസര്‍വ് അടക്കം 1760 മെഷിനുകള്‍ തെരഞ്ഞെടുത്തിട്ടുണ്ട്. വിവിധ രാഷട്രീയ പാര്‍ട്ടി പ്രതിനിധികള്‍ പങ്കെടുത്തു.