കൊയിലാണ്ടി: കൊല്ലം പിഷാരികാവ് ക്ഷേത്ര കാളിയാട്ട മഹോത്സവത്തിന്റെ ഭാഗമായി ദേശീയപാതയില്‍ ഗതാഗത ക്രമീകരണം ഏര്‍പ്പെടുത്തി. ഇന്നും നാളെയുമായി ഉച്ചയ്ക്ക് ഒന്നു മുതല്‍ രാത്രി 11 വരെയാണ് ക്രമീകരണം.
കോഴിക്കോട്ടു നിന്നു വടകര ഭാഗത്തേക്കു പോകേണ്ട വാഹനങ്ങള്‍ പാവങ്ങാട്, അത്തോളി, പേരാമ്പ്ര വഴിയും, വടകര ഭാഗത്തു നിന്നു വരുന്ന വാഹനങ്ങള്‍ പയ്യോളി, പേരാമ്പ്ര വഴി അത്തോളി, പാവങ്ങാട് വഴിയും പോകണം. വടകര ഭാഗത്തുനിന്ന് കൊയിലാണ്ടിയിലേക്കു വരുന്ന ബസുകള്‍ ഉള്‍പ്പെടെയുള്ള വാഹനങ്ങള്‍ കൊല്ലം, ചിറക്ക് സമീപത്തുനിന്ന് തിരിക്കണം, കോഴിക്കോട് ഭാഗത്തുനിന്ന് വരുന്ന വാഹനങ്ങള്‍ കൊല്ലം പെട്രോള്‍ പമ്പിനടുത്തു നിന്ന് തിരിച്ചു പോകണം.