റായ്പൂര്‍: പശുവിനെ കൊല്ലുന്നവരെ തൂക്കിലേറ്റുമെന്ന വിവാദ പ്രസ്താവനയുമായി ഛത്തീസ്ഗഡ് മുഖ്യമന്ത്രി രമണ്‍ സിങ്. കഴിഞ്ഞ 15 വര്‍ഷമായി ഒരു പശുവിനെ പോലും ഇവിടെ കൊന്നിട്ടില്ല. ഇനി ആരെങ്കിലും അങ്ങിനെ ചെയ്്താല്‍ ആയാളെ തൂക്കിലേറ്റും- രമണ്‍സിങ് മാധ്യമപ്രവര്‍ത്തകരോട് പറഞ്ഞു.

ബിജെപി സര്‍ക്കാര്‍ ഭരിക്കുന്ന ഗുജറാത്തില്‍ പശുവിനെ കൊന്നാല്‍ ജീവപര്യന്തം ശിക്ഷയും 50,000 രൂപ പിഴയും അനുവദിക്കുന്ന നിയമത്തിന് ഗുജറാത്ത് നിയമസഭ അനുമതി നല്‍കിയതിനു തൊട്ടുപിന്നാലെയാണ് രമണ്‍ സിങിന്റെ വിവാദ പ്രസ്താവന.

#WATCH: Chhattisgarh CM Raman Singh says 'will hang those who kill (cows)' when asked will Chhattisgarh make any law against cow slaughter. pic.twitter.com/V5fdNs4CEk

— ANI (@ANI_news) April 1, 2017

1954ലെ ഗുജറാത്ത് ആനിമല്‍ പ്രിസര്‍വേഷന്‍ ആക്ട് 2011ല്‍ മോദി സര്‍ക്കാര്‍ ഭേദഗതി ചെയ്തിരുന്നു. പശുക്കടത്തിന് പത്തു വര്‍ഷം തടവായിരുന്നു 1954ല്‍ നിഷ്‌കര്‍ഷിച്ചിരുന്നത്. മോദി ഭരണകാലത്തെ ഭേദഗതിയില്‍ പശുവിനെ കൊല്ലുന്നവര്‍ക്ക് ഏഴു വര്‍ഷം തടവായിരുന്നു ശിക്ഷ. ഇതാണ് ജീവപര്യന്തമായിരിക്കുന്നത്.