തൃക്കരിപ്പൂര്‍: ഫ്‌ളാഷ് ഉടുമ്പുന്തല വാട്‌സ് ആപ്പ് ഗ്രൂപ്പ് സംഘടിപ്പിച്ച വാട്‌സ് ആപ്പ് ഗ്രൂപ്പ് ഖുര്‍ആന്‍ പരായണ മത്സരത്തില്‍ വിജയികളായവര്‍ക്ക് കാഷ് അവാര്‍ഡ് വിതരണം ചെയ്തു. ഇബ്രാഹിം സിതി ഉസ്താദ്, അബ്ദുറസാഖ് ഫൈസി, എം അബ്ദുള്ള ഹാജി എന്നിവര്‍ അവാര്‍ഡ് വിതരണം ചെയ്തു.
ഉടുമ്പുന്തല ഖത്തീബ് അബ്ദുറസാഖ് ഫൈസി ഉദ്ഘാടനം ചെയ്തു. ബഷീര്‍ നങ്ങാരത്ത് അധ്യക്ഷനായി. മസ്‌കറ്റ് അബ്ദുറഹിമാന്‍ ഹാജി, എം ഹമീദ് ഹാജി, വി.ടി ശാഹുല്‍ ഹമീദ്, എം.കെ മഹമൂദ് ഹാജി പ്രസംഗിച്ചു. ക്വിസ് മാസ്റ്റര്‍ എം.കെ ബഷീര്‍ അഹമ്മദിന് പ്രവാസി വ്യവസായി പി മൊയ്തീന്‍ ഉപഹാരം നല്‍കി ആദരിച്ചു. ആറുപതിറ്റാണ്ടായി ഉടുമ്പുന്തലയുടെ മതരംഗത്ത് നിറസാന്നിധ്യമായ ഇബ്രാഹിം സീതിയെ ആദരിച്ചു.