തിരുവമ്പാടി: ആനക്കാംപൊയില്‍ കരിമ്പിലിലെ പന്നിഫാമിനെതിരേ പ്രവര്‍ത്തിച്ച പൊതുപ്രവര്‍ത്തകന് വധഭീഷണിയും കൈയേറ്റ ശ്രമവും. ലോക് താന്ത്രിക് ജനതാദള്‍ മണ്ഡലം സെക്രട്ടറി ജിനീഷ് ആനക്കാംപൊയിലിനു നേരെയാണ് തിങ്കളാഴ്ച വൈകിട്ട് കൈയേറ്റശ്രമം ഉണ്ടായത്. പന്നിഫാമിനെതിരേ പ്രവര്‍ത്തിച്ചുവെന്ന് പറഞ്ഞായിരുന്നു അതിക്രമം. വീട്ടിലേക്ക് പോകുമ്പോള്‍ കാര്‍ തടഞ്ഞുനിര്‍ത്തിയാണ് ഭീഷണി മുഴക്കിയതെന്ന് തിരുവമ്പാടി പൊലിസില്‍ നല്‍കിയ പരാതിയില്‍ പറയുന്നു.