പാറശാല: കഞ്ചാവും മയക്കുഗുളികകളുമായി രണ്ട് യുവാക്കളെ അമരവിള എക്‌സൈസ് സംഘം അറസ്റ്റ് ചെയ്തു.
പുതിയതുറ കരിങ്കുളം സ്വദേശികളായ ജോബിന്‍ (21), നിക്‌സണ്‍ (20) എന്നിവരാണ് പിടിയിലായത്. കരിങ്കുളം ഭാഗത്തെ സ്‌കൂളുകള്‍ കേന്ദ്രീകരിച്ച് ചില്ലറ വില്‍പ്പനയ്ക്കായി കളിയിക്കാവിളയില്‍ നിന്നും ബൈക്കില്‍ വാങ്ങി കൊണ്ട് വരികയായിരുന്ന 20 ഗ്രാം കഞ്ചാവും 10 മയക്ക് ഗുളികകളുമാണ് പിടിച്ചെടുത്തത്. പാറശാലയില്‍ എക്‌സൈസ് ഇന്‍സ്‌പെക്ടര്‍ സുരേഷ്‌കുമാറിന്റെ നേതൃത്വത്തില്‍ നടത്തിയ പരിശോധനയിലാണ് ലഹരി വസ്തുക്കള്‍ പിടിച്ചെടുത്തത്.