തിരുവനന്തപുരം: മുഖ്യമന്ത്രി പിണറായി വിജയന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രനോട് കുന്നായ്മയാണെന്നും അത് തീര്‍ക്കാനാകില്ലെന്നും പ്രതിപക്ഷ നേതാവ് രമേശ് ചെന്നിത്തല. പണ്ടുമുതലെ ഉള്ളതാണിത്.

മുല്ലപ്പള്ളിയോട് മുഖ്യമന്ത്രിക്കുള്ള കുടിപ്പക എല്ലാവര്‍ക്കുമറിയാം. ഇടതുകോട്ടയില്‍ മുല്ലപ്പള്ളി വിജയിച്ചപ്പോള്‍ മുതലുള്ളതാണ്. കള്ളം കൈയോടെ പിടിച്ചപ്പോള്‍ മുഖ്യമന്ത്രി പ്രതിപക്ഷത്തിന്റെമേല്‍ കുതിര കയറുകയാണ്. സര്‍ക്കാരിന്റെ കുറ്റവും കുറവുകളും പറയാത്തത് ഈ അന്തരീക്ഷത്തില്‍ വിവാദമുണ്ടാക്കേണ്ടന്നു കരുതിയാണ്. ചില തെറ്റുകള്‍ ചൂണ്ടിക്കാണിക്കുക മാത്രമാണ് ചെയ്തത്. പാവപ്പെട്ട പ്രവാസികളെ സഹായിക്കുന്നതിന് മുന്‍ഗണന നല്‍കണമെന്ന് പറഞ്ഞതില്‍ എന്താണ് തെറ്റ്. മുഖ്യമന്ത്രി മുന്‍പും മുല്ലപ്പള്ളിയോട് അസഹിഷ്ണുത പ്രകടിപ്പിച്ചിട്ടുണ്ട്.

തിരൂരില്‍ പൊലിസ് ഓടിച്ചതിനെ തുടര്‍ന്ന് യുവാവ് മരിച്ച സംഭവത്തില്‍ അനേഷണം നടത്തണമെന്നും മരിച്ചയാളുടെ കുടുംബത്തിന് സാമ്പത്തിക സഹായം നല്‍കണമെന്നും ചെന്നിത്തല ആവശ്യപ്പെട്ടു.