തിരുവനന്തപുരം: നാഷണല്‍ ഹെല്‍ത്ത് മിഷന്‍ സ്‌കീമില്‍ കേന്ദ്ര സര്‍ക്കാര്‍ നല്‍കുന്ന രണ്ടാം ഗഡുവായ 386.59 കോടി രൂപ സംസ്ഥാന സര്‍ക്കാര്‍ സ്വീകരിച്ചിട്ടില്ലെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. കേന്ദ്ര ആരോഗ്യമന്ത്രിയും ആരോഗ്യ സെക്രട്ടറിയും കത്ത് അയച്ചിരുന്നതായും സംസ്ഥാനത്തിന് ഇക്കാര്യത്തില്‍ വീഴ്ചയുണ്ടായതായും ചെന്നിത്തല വാര്‍ത്താസമ്മേളനത്തില്‍ പറഞ്ഞു.

അനിയന്ത്രിതമായ ചെലവും വരുമാനമില്ലായ്മയും ധനകാര്യ മാനേജ്‌മെന്റിലെ പിഴവുമാണ് കേരളത്തിലെ സാമ്പത്തിക പ്രതിസന്ധിക്ക് കാരണം. നിലവിലെ സാമ്പത്തിക പ്രതിസന്ധി കൊവിഡിന്റെ തലയില്‍ കെട്ടിവയ്ക്കുകയാണ്. 20,000 കോടി രൂപയാണ് കൊവിഡ് പാക്കേജായി പ്രഖ്യാപിച്ചത്. ഇതില്‍ 14,000 കോടി കോണ്‍ട്രാക്ടര്‍മാര്‍ക്ക് കൊടുക്കേണ്ട തുകയാണ്. സാലറി ചലഞ്ച് നിര്‍ബന്ധക്കരുതെന്ന് പ്രതിപക്ഷം ആവശ്യപ്പെട്ടിരുന്നു. ജനുവരി മുതല്‍ മാര്‍ച്ച് വരെ 5000 രൂപയുടെ ബില്ല് പോലും ട്രഷറിയില്‍ നിന്ന് മാറിയിട്ടില്ലെന്നും ചെന്നിത്തല പറഞ്ഞു.