മുക്കം: സ്‌കൂൾ കെട്ടിടത്തിന്റെ കോൺ​ക്രീറ്റ് പാളി തകർന്ന് വീണ് അധ്യാപികയ്ക്ക് പരുക്ക്. മുക്കം നഗരസഭയിലെ മുത്തേരി ജി.എൽ.പി സ്‌കൂളിൽ കഴിഞ്ഞ ചൊവ്വാഴ്ചയാണ് അപകടമുണ്ടായത്. സ്കൂൾ കെട്ടിടത്തിന്റെ സൺഷേഡിന്റെ കോൺക്രീറ്റ് ഭാഗമാണ് അടർന്ന് വീണത്. അപകടത്തിൽ മുത്തേരി സ്വദേശിനിയായ അധ്യാപികയ്ക്കാണ് പരുക്കേറ്റത്.

ഉച്ചഭക്ഷണം കഴിഞ്ഞ് അധ്യാപിക കെട്ടിടത്തിന് പുറത്തിറങ്ങിയ സമയത്താണ് ഒന്നാം നിലയിലെ സൺഷേഡിൽ നിന്നും കോൺക്രീറ്റ് പാളി താഴേക്ക് പതിച്ചത്. അധ്യാപികയുടെ തലയ്ക്കാണ് പരുക്കേറ്റത്. പരിക്കുകൾ ഗുരുതരമല്ലെങ്കിലും തലയിൽ മൂന്ന് തുന്നലുകൾ വേണ്ടിവന്നതായാണ് ലഭിക്കുന്ന വിവരം.

ALSO READ: യുവതിയുടെ കുളിമുറി ദൃശ്യങ്ങൾ പകർത്തി; യുവാവിന് 9 വർഷം കഠിനതടവും പിഴയും; ശിക്ഷ വിധിച്ച് മഞ്ചേരി കോടതി

അപകടം നടന്ന പാതയിലൂടെയാണ് വിദ്യാർഥികൾ ഉച്ചഭക്ഷണം കഴിക്കാനായി സ്ഥിരമായി പോകാറുള്ളത്. സംഭവസമയത്ത് വിദ്യാർഥികൾ സ്ഥലത്തില്ലാതിരുന്നതിനാൽ മാത്രമാണ് വലിയൊരു ദുരന്തം ഒഴിവായത്. കെട്ടിടത്തിന്റെ ശോചനീയാവസ്ഥയിൽ രക്ഷിതാക്കളും നാട്ടുകാരും ആശങ്ക രേഖപ്പെടുത്തിയിട്ടുണ്ട്.

A concrete slab from the sunshade of a school building collapsed in Kozhikode, injuring a teacher. The incident occurred last Tuesday at Mutheri GLP School in Mukkam Municipality.