ദുബൈ: ദുബൈയിലെ പൊതു പാർക്കിംഗ് നിരക്കുകൾ വീണ്ടും പരിഷ്കരിക്കാൻ നീക്കം. 2025-ൽ നടപ്പിലാക്കിയ വേരിയബിൾ താരിഫ് സംവിധാനത്തിന് പിന്നാലെ, നിലവിലെ നിരക്കുകളിലും സീസണൽ പെർമിറ്റുകളിലും മാറ്റം വരുത്തണമെന്ന് പാർക്കിംഗ് സേവന ദാതാക്കളായ 'പാർക്കിൻ' നിർദ്ദേശിച്ചു. റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) ഈ നിർദ്ദേശങ്ങൾ അംഗീകരിച്ചാൽ വാണിജ്യ-താമസ മേഖലകളിലെ പാർക്കിംഗ് ചെലവ് വർദ്ധിക്കാൻ സാധ്യതയുണ്ട്.

നിർദ്ദിഷ്ട പരിഷ്കരണത്തിന് പിന്നിലെ 3 പ്രധാന കാരണങ്ങൾ ഇവയാണ്.

1. താരിഫുകളിലെ അസന്തുലിതാവസ്ഥ (Pricing Gaps)

2025 ഏപ്രിലിൽ നടപ്പിലാക്കിയ പരിഷ്കാരങ്ങൾ വഴി മണിക്കൂർ നിരക്കുകളിൽ ശരാശരി 51 ശതമാനം വർദ്ധനവുണ്ടായിരുന്നു (മണിക്കൂറിന് 3.03 ദിർഹം). എന്നാൽ, ബി, ഡി സോണുകളിലെ നിരക്ക് വർദ്ധനവ് എ, സി സോണുകളെ അപേക്ഷിച്ച് വളരെ കൂടുതലായിരുന്നു. ഇത് വിവിധ സോണുകൾക്കിടയിൽ വലിയ 'വില വിടവ്' (Pricing Gap) സൃഷ്ടിച്ചു. ഈ വിടവ് നികത്തി സിസ്റ്റം പുനഃസന്തുലിതമാക്കാനാണ് പാർക്കിൻ ലക്ഷ്യമിടുന്നത്.

ALSO READ: ആഗോള വിപണിയിലെ അനിശ്ചിതത്വം; യുഎഇയിൽ പെട്രോൾ, ഡീസൽ വില വർധിക്കാൻ സാധ്യത 

2. സീസണൽ പെർമിറ്റുകളിലേക്കുള്ള വൻ മാറ്റം

ദൈനംദിന പാർക്കിംഗ് നിരക്കുകൾ വർദ്ധിച്ചതോടെ ഭൂരിഭാഗം ഡ്രൈവർമാരും സീസണൽ പെർമിറ്റുകളിലേക്ക് മാറി. 2025-ന്റെ അവസാന പാദത്തിൽ സീസണൽ കാർഡ് വിൽപ്പനയിൽ 140 ശതമാനത്തിന്റെ വർദ്ധനവാണുണ്ടായത്. ഇത് 'പ്രൈസ് ആർബിട്രേജ്' (Price Arbitrage) എന്ന സാഹചര്യം സൃഷ്ടിച്ചു. അതായത്, മണിക്കൂർ നിരക്കിനേക്കാൾ ലാഭകരമായി സീസണൽ കാർഡുകൾ മാറിയതോടെ കമ്പനിയുടെ വരുമാന ഘടനയിൽ മാറ്റം വന്നു. ഈ അസന്തുലിതാവസ്ഥ പരിഹരിക്കാൻ സീസണൽ പെർമിറ്റ് നിരക്കുകൾ പരിഷ്കരിച്ചേക്കും.

3. ഉപയോഗ കണക്കുകളിലെ അവ്യക്തത

സീസണൽ പെർമിറ്റ് ഉടമകളുടെ എണ്ണം കൂടിയതോടെ, പാർക്കിംഗ് സ്ഥലങ്ങളുടെ യഥാർത്ഥ ഉപയോഗം (Occupancy Data) കൃത്യമായി രേഖപ്പെടുത്താൻ കഴിയുന്നില്ലെന്ന് പാർക്കിൻ ചൂണ്ടിക്കാട്ടുന്നു. പേയ്‌മെന്റ് രീതികൾ മാറിയതോടെ കടലാസിൽ ഉപയോഗം കുറഞ്ഞതായി കാണപ്പെടുന്നുണ്ടെങ്കിലും യഥാർത്ഥത്തിൽ പാർക്കിംഗ് സ്ഥലങ്ങൾക്ക് വലിയ ഡിമാൻഡ് നിലനിൽക്കുന്നുണ്ട്. ഡാറ്റയും യഥാർത്ഥ ആവശ്യകതയും തമ്മിലുള്ള ഈ വ്യത്യാസം പരിഹരിക്കാൻ പുതിയ വിലനിർണ്ണയ രീതി ആവശ്യമാണെന്ന് കമ്പനി വാദിക്കുന്നു.

നിലവിൽ 2,29,000 പാർക്കിംഗ് ഇടങ്ങളാണ് ദുബൈയിലുള്ളത്. സ്മാർട്ട് ഇൻസ്പെക്ഷൻ സംവിധാനങ്ങൾ വഴി പരിശോധന ശക്തമാക്കിയിട്ടുമുണ്ട്. പുതിയ നിർദ്ദേശങ്ങൾ നടപ്പിലായാൽ, ദീർഘകാല പെർമിറ്റുകൾ ഉപയോഗിക്കുന്നവർക്കും നിത്യേന പാർക്ക് ചെയ്യുന്നവർക്കും ഒരുപോലെ സാമ്പത്തിക ബാധ്യതയുണ്ടായേക്കാം.

dubai parking rates could increase under a new reform plan aimed at reducing traffic congestion, encouraging public transport use, and improving urban mobility. authorities are reviewing pricing structures to support sustainable transport goals and better parking space management.