മനാമ: സമസ്ത ബഹ്‌റൈന്‍ ഗുദൈബിയ കമ്മറ്റി സംഘടിപ്പിക്കുന്ന അഞ്ചാം വാര്‍ഷിക മത പ്രഭാഷണ പരമ്പരയുടെ സമാപന ദിവസമായ തിങ്കളാഴ്ച പ്രമുഖ പണ്ഢിതനും സൂഫി വര്യനും സമസ്ത കേന്ദ്ര മുശാവറ അംഗവും കണ്ണൂര്‍ ജില്ലാ ജന.സെക്രട്ടറിയുമായ ശൈഖുനാ മാണിയൂര്‍ അഹ്മദ് മുസ്ലിയാര്‍ പ്രാര്‍ത്ഥനക്ക് നേതൃത്വം നല്‍കും.

ബഹ്‌റൈന്‍ കേരളീയ സമാജത്തില്‍ തിങ്കളാഴ്ച രാത്രി 8.30ന് ആരംഭിക്കുന്ന സമാപന സമ്മേളനത്തില്‍ ഉസ്താദിന്റെ നസ്വീഹത്തിനോടൊപ്പം ജാമിഅ അസ്അദിയ്യ പ്രൊഫസറും പ്രമുഖ വാഗ്മിയുമായ അബ്ദുല്‍ ഫത്താഹ് ദാരിമിയുടെ പ്രഭാഷണവും നടക്കും.