നെടുമങ്ങാട്: ദേശീയ പോളിയോ നിര്‍മാര്‍ജന പരിപാടിയുടെ രണ്ടാംഘട്ട ജില്ലാതല ഉദ്ഘാടനം വെള്ളനാട്ട് നടന്നു.വെള്ളനാട് ബ്ലോക്ക് പഞ്ചായത്ത് പ്രസിഡന്റ് എസ്.എസ്.അജിതകുമാരിയുടെ അധ്യക്ഷതയില്‍ ചേര്‍ന്ന യോഗം കെ.എസ്.ശബരീനാഥന്‍ എം.എല്‍.എ കുട്ടികള്‍ക്ക് തുള്ളിമരുന്ന് നല്‍കി ഉദ്ഘാടനം ചെയ്തു.
ജില്ലാ മെഡിക്കല്‍ ഓഫിസര്‍ ഡോ.ജോസ്.ജി.ഡിക്രൂസ് മുഖ്യ പ്രഭാഷണം നടത്തി.ബ്ലോക്ക് പഞ്ചായത്തംഗം ജ്യോതിഷ്‌കുമാര്‍,ജില്ലാ മാസ് മീഡിയാ ഓഫിസര്‍ പുഷ്പരാജ്, വെള്ളനാട് മെഡിക്കല്‍ ഓഫിസര്‍ ഡോ.ജയകുമാര്‍ തുടങ്ങിയവര്‍ സംസാരിച്ചു.