തിരുവനന്തപുരം: ഇസ്‌റാഈലിനെതിരായ സൗഹൃദമത്സരത്തില്‍ നിന്ന് പിന്മാറിയ അര്‍ജന്റീനയുടെ നിലപാടിനെ പ്രശംസിച്ച് മന്ത്രി എം.എം മണി.അനീതിക്കെതിരേ ഭയമില്ലാതെ വാക്കും മുഷ്ടിയും ഉയര്‍ത്തിയ ചെഗുവേരയുടെ പിന്മുറക്കാര്‍ തന്നെയാണ് മെസിയും കൂട്ടരും' എന്ന് ഫേസ്ബുക്കിലാണ് മണിയുടെ പ്രതികരണം.
ജറൂസലം പിടിച്ചടക്കിയതിന്റെ നൂറാം വാര്‍ഷികത്തിനോടനുബന്ധിച്ചായിരുന്നു ഇസ്‌റാഈല്‍ സഹൃദ മത്സങ്ങള്‍ക്കുള്ള ഒരുക്കങ്ങള്‍ നടത്തിയത്. ശനിയാഴ്ച നടക്കാനിരിക്കുന്ന മത്സരത്തിനെതിരേ ഫലസ്തീനില്‍ ശക്തമായ പ്രതിഷേധം നടന്നിരുന്നു. തുടര്‍ന്നാണ് അര്‍ജന്റീന മത്സരം ഉപേക്ഷിച്ചത്.
നിരപരാധികളായ ഫലസ്തീനിലെ കുഞ്ഞുങ്ങളെ കൊല്ലുന്നവര്‍ക്കൊപ്പം കളിക്കാന്‍ യൂനിസെഫിന്റെ അംബാസഡറായിരുന്ന് എനിക്ക് സാധിക്കില്ല. ഫുട്‌ബോളര്‍മാര്‍ എന്നതിന് മുന്‍പ് മനുഷ്യരാണെന്നത് കൊണ്ടാണ് മത്സരത്തില്‍ നിന്ന് പിന്‍വാങ്ങിയതെന്നു മെസി പറഞ്ഞിരുന്നു.