ന്യൂഡല്‍ഹി: മുന്‍ രാഷ്ട്രപതി പ്രണബ് മുഖര്‍ജി ആര്‍.എസ്.എസ് ആസ്ഥാനം പിന്തുണച്ചതിനെതിരെയും അവിടെ അദ്ദേഹം നടത്തിയ പ്രസംഗത്തിനെതിരേയും ശക്തമായ വിമര്‍ശനങ്ങള്‍ ഉയരുന്നതിനിടെ പിന്തുണയുമായി പി. ചിദംബരം. ആര്‍.എസ്.എസിന്റെ പോരായ്മകളെ അവരുടെ തന്നെ വേദിയില്‍ പ്രണബ് മുഖര്‍ജി ധൈര്യപൂര്‍വ്വം വിളിച്ചു പറഞ്ഞെന്ന് ചിദംബരം ചൂണ്ടിക്കാട്ടി. ഇതിന് പ്രണബ് അഭിനന്ദനം അര്‍ഹിക്കുന്നുവെന്നും അദ്ദേഹം ചൂണ്ടിക്കാട്ടി.

കോണ്‍ഗ്രസിന്റെ പ്രത്യയ ശാസ്ത്രമാണ് ശരിയെന്നതാണ് പ്രണബ് ആര്‍.എസ്.എസ് വേദിയില്‍ പറഞ്ഞത്. ആര്‍.എസ്.എസ് പ്രത്യയശാസ്ത്രത്തിലെ തെറ്റുകള്‍ ചൂണ്ടിക്കാണിക്കാനുള്ള പ്രണബിന്റെ രീതിയാണ് അതെന്നും ചിദംബരം ട്വീറ്റ് ചെയ്തു.

ആര്‍.എസ്.എസ് ശിക്ഷ വര്‍ഗ് ക്യാംപിന്റെ സമാപന ചടങ്ങിലാണ് പ്രണബ് പങ്കെടുത്തത്. ചടങ്ങില്‍  ആര്‍.എസ്.എസ് സ്ഥാപകന്‍ ഹെഡ്‌ഗെവാറിനെ അദ്ദേഹം വാനോളം പുകഴ്ത്തിയിരുന്നു. ഇന്ത്യയുടെ മഹാനായ പുത്രനെന്നാണ് ഹെഡ്‌ഗെവാറിനെ പ്രണബ് വിശേഷിപ്പിച്ചത്. ഹെഡ്‌ഗെവാറിന് ആദരവും ആദരാഞ്ജലിയും അര്‍പ്പിക്കാനാണ് താന്‍ എത്തിയതെന്നാണ് സ്മാരകം സന്ദര്‍ശിച്ച ശേഷം സന്ദര്‍ശക പുസ്തകത്തില്‍ പ്രണബ് എഴുതുകയും ചെയ്തു.

പ്രണബിന്റെ നടപടിക്കെതിരം മുതിര്‍ന്ന കോണ്‍ഗ്രസ് നേതാക്കന്‍മാരുള്‍പെടെ രംഗത്തെത്തിയിരുന്നു.