വലന്‍സിയ: ആറു രാഷ്ട്രങ്ങളുടെ ഹോക്കി ടൂര്‍ണമെന്റിലെ അവസാന മത്സരത്തില്‍ ഇന്ത്യക്ക് വീണ്ടും സമനില. സ്‌പെയിനിനോട് 1-1നാണ് ഇന്ത്യ സമനില വഴങ്ങിയത്. ആദ്യ ക്വാര്‍ട്ടറില്‍ പൊ ക്വമേഡയുടെ ഗോളില്‍ മുന്നിലെത്തിയ സ്‌പെയിനിനെ വി.ആര്‍ രഘുനാഥിന്റെ ഗോളിലാണ് ഇന്ത്യ സമനിലയില്‍ കുരുക്കിയത്. മത്സരത്തില്‍ ഇന്ത്യക്ക് അഞ്ചു പെനാല്‍റ്റി കോര്‍ണറുകള്‍ ലഭിച്ചെങ്കിലും ഒന്നില്‍ മാത്രമാണ് ലക്ഷ്യം കാണാനായത്.
ടൂര്‍ണമെന്റില്‍ അയര്‍ലന്‍ഡിനെതിരേ മാത്രമാണ് ഇന്ത്യക്ക് ജയിക്കാനായത്. ജര്‍മനിയോടും ന്യൂസിലന്‍ഡിനോടും ഇന്ത്യ തോറ്റു. കഴിഞ്ഞ ദിവസം അര്‍ജന്റീനയോട് ഇന്ത്യ സമനില വഴങ്ങിയിരുന്നു.