വെഞ്ഞാറമൂട്: കഴിഞ്ഞ ദിവസം വാമനപുരം പാലത്തില്‍ നിന്നു ആറ്റിലേക്കു ചാടിയ സ്ത്രീയുടെ മൃതദേഹം കണ്ടെത്തി. കിളിമാനൂര്‍ മുളയ്ക്കലത്ത്കാവ് സ്വദേശിനി നിര്‍മല (48) ആണ് മരിച്ചത്. കഴിഞ്ഞ ദിവസം വൈകിട്ട ആറിനാണ് ഇവര്‍ വാമനപുരം പാലത്തില്‍ നിന്നു ആറ്റിലേക്ക് ചാടിയത്. വിവരമറിഞ്ഞെത്തിയ വെഞ്ഞാറമൂട് പൊലിസും ഫയര്‍ഫോഴ്‌സും അപ്പോള്‍ തന്നെ തിരച്ചില്‍ നടത്തിയെങ്കിലും ഫലം കണ്ടില്ല.ഇന്നലെ രാവിലെ തിരച്ചില്‍ പുനരാരംഭിച്ചു. തുടര്‍ന്നു ഉച്ചയോടെയാണ് മൃതദേഹം കണ്ടെടുത്തത്.വെഞ്ഞാറമൂട് പൊലിസ് മേല്‍നടപടികള്‍ സ്വീകരിച്ചു. സംഭവത്തിലെ കാരണം വ്യക്തമല്ല.