റിയാദ് : കേരളത്തില്‍ നിപാ വൈറസ് റിപ്പോര്‍ട്ട് ചെയ്തതിനെ തുടര്‍ന്ന് സഊദി വിമാനത്താവളത്തില്‍ ജാഗ്രതാ നിര്‍ദേശം. സഊദി ആരോഗ്യമന്ത്രാലയമാണ് കേരളത്തില്‍ നിന്നെത്തുന്നവരെ നിരീക്ഷിക്കാന്‍ നിര്‍ദേശം നല്‍കിയത്. സംശയിക്കുന്നവരെ പതിനാലു ദിവസം സൂക്ഷ്മ നിരീക്ഷണത്തിനു വിധേയരാക്കാനും മന്ത്രാലയം നിര്‍ദേശം നല്‍കിയിട്ടുണ്ട്. ലോകാരോഗ്യ സംഘടനയുമായി ബന്ധപ്പെട്ടു സ്ഥിതിഗതികള്‍ വിലയിരുത്തിവരികയാണെന്നും സംശയം തോന്നുന്നവരെ നിരീക്ഷണം നടത്തിവരികയാണെന്നും മന്ത്രാലയം പുറത്തിറക്കിയ വാര്‍ത്താ കുറിപ്പില്‍ പറയുന്നു.
കേരളത്തില്‍ നിന്നുള്ള ഭക്ഷ്യ വസ്തുക്കള്‍ കൊണ്ടുവരരുതെന്നും പഴം, പച്ചക്കറി ഇറക്കുമതി തല്‍ക്കാലം നിരോധിച്ചും മറ്റു ജി സി സി രാജ്യങ്ങളെ പോലെ സഊദിയും മുന്നറിയിപ്പ് നല്‍കിയിരുന്നു.