ഫറോക്ക്: ശക്തമായ കാറ്റില്‍ സ്വകാര്യ ജ്വല്ലറിയുടെ കൂറ്റന്‍ പരസ്യബോര്‍ഡ് വൈദ്യുതലൈനിലേക്ക് മറിഞ്ഞുവീണ് വൈദ്യുതി വിതരണം തടസപ്പെട്ടു.
കല്ലംപാറയിലെ സ്വകാര്യ വ്യക്തിയുടെ ഉടമസ്ഥതയിലുള്ള കെട്ടിടത്തിനു മുകളില്‍ സ്ഥാപിച്ച ഫഌക്‌സ് ബോര്‍ഡാണ് ഫൗണ്ടേഷനടക്കം വൈദ്യുതിലൈനിലേക്ക് മറിഞ്ഞുവീണത്. മുഴുവന്‍ സമയവും ആളുണ്ടാകുന്ന കെട്ടിടത്തിനു താഴെ വീഴാതെ ലൈനില്‍ തന്നെ ബോര്‍ഡ് തങ്ങിനിന്നത് വന്‍ അപകടം ഒഴിവാക്കി. ജ്വല്ലറി അധികൃതര്‍ സ്ഥലത്തെത്തി ബോര്‍ഡ് മാറ്റിയതിനുശേഷം വൈദ്യുതി വിതരണം പുനസ്ഥാപിച്ചു.