റിയാദ്: സഊദിയിൽ കൊവിഡ്-19 വൈറസ് ബാധിതർ പതിനായിരം കവിഞ്ഞു. സഊദി ആരോഗ്യ മന്ത്രി ഡോ: തൗഫീഖ് അൽ റബീഹയാണ് ഇക്കാര്യം അറിയിച്ചത്. ഇന്ന് ആറു മരണം കൂടി സ്ഥിരീകരിച്ചിട്ടുണ്ട്. ഇതോടെ രാജ്യത്തെ മരണ സംഖ്യ 103 ആയി ഉയർന്നു.കഴിഞ്ഞ 24 മണിക്കൂറിനിടെ 1122 പുതിയ വൈറസ് ബാധ കേസുകളും സ്ഥിരീകരിച്ചു. വൈറസ് വ്യാപന പ്രതിരോധത്തിനായി മുഴുവൻ ആളുകളും മന്ത്രാലയ നിർദേശങ്ങൾ പൂർണ്ണമായും പാലിക്കണമെന്നും അദ്ദേഹം ആവശ്യപ്പെട്ടു. നിലവിൽ ചികിത്സയിൽ കഴിയുന്നത് 8891 വൈറസ് ബാധിതരാണ്. ഇവരിൽ 88 പേരുടെ നില അതീവ ഗുരുതരമാണെന്നും ആരോഗ്യ മന്ത്രാലയം വ്യക്തമാക്കി. ഇന്ന് രോഗം സ്ഥിരീകരിച്ച 1122 പേരിൽ 73 ശതമാനം (819) വിദേശികളും ബാക്കി സ്വദേശിയുമാണ്. വിദേശികളിൽ തന്നെ 77 ശതമാനവും പുരുഷന്മാരുപുരുഷന്മാരുമാണെന്നും വക്താവ് ഡോ: മുഹമ്മദ് അബ്ദുൽ ആലി വാർത്താ സമ്മേളനത്തിൽ പറഞ്ഞു.

#الصحة⁩ تعلن عن تسجيل (1122) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (6) حالات وفيات رحمهم الله، وتسجيل (92) حالة تعافي ليصبح مجموع الحالات المتعافية (1490) حالة ولله الحمد. pic.twitter.com/Ou23Lb7Sk2

— و ز ا ر ة ا لـ صـ حـ ة السعودية (@SaudiMOH) April 20, 2020

       ഇന്ന് മരണപ്പെട്ട ആറു പേരും വിദേശികളാണ്. മക്കയിൽ അഞ്ചു വിദേശികളും ജിദ്ദയിൽ ഒരു വിദേശിയുമാണ് മരണപ്പെട്ടത്. ഇതോടെ മക്കയില്‍ മാത്രം മരണ സംഖ്യ 37 ഉം രോഗികള്‍ 2552 മായി ഉയർന്നു. മദീനയില്‍ മരണം 32 ഉം രോഗികള്‍ 1710 ഉമാണ്. ഇന്ന് വൈറസ് ബാധ സ്ഥിരീകരിച്ചവരിൽ ഏറ്റവും കൂടുതൽ മക്കയിലാണ്. മക്കയിൽ 402 വൈറസ് ബാധ കേസുകളാണ് കണ്ടെത്തിയത്. തലസ്ഥാന നഗരിയായ റിയാദിൽ 200 എണ്ണവും ജിദ്ദയിൽ 186, മദീന 120, ദമാം 78, ഹുഫൂഫ് 63, ജുബൈൽ 39, ത്വായിഫ് 16, എന്നിങ്ങനെയാണ് ഏറ്റവും കൂടുതൽ വൈറസ് ബാധ കണ്ടെത്തിയത് സ്ഥലങ്ങളും എണ്ണവും.

      അതേസമയം, റിയാദ്, ജിദ്ദ, മക്ക, മദീന എന്നിവിടങ്ങളില്‍ വൈറസ് ബാധ കേസുകൾ കുത്തനെ ഉയരാൻ കാരണം വിവിധ സംഘങ്ങളായി തിരിഞ്ഞ് ആരോഗ്യ മന്ത്രാലയത്തിന്‍രെ പരിശോധന മൂലമാണ്. താമസ കേന്ദ്രങ്ങളും ലേബര്‍ ക്യാമ്പുകളും കേന്ദ്രീകരിച്ച്‌ നടത്തുന്ന പരിശോധനയിൽ നിരവധി പോസിറ്റിവ് കേസുകളാണ് കണ്ടെത്തുന്നത്. ആയിരക്കണക്കിന് പേരുടെ സാമ്പിളുകള്‍ ഇതിനകം ശേഖരിച്ചിട്ടുണ്ട്. തത്സമയ പരിശോധനക്കായി ആംബുലന്‍സുകളും മൊബൈല്‍ ലാബുകളും സംഘത്തിനൊപ്പമുണ്ട്. വ്യാപക പരിശോധന നടക്കുന്നതാണ് രാജ്യത്തെ വൈറസ് ബാധ കേസുകൾ കുത്തനെ ഉയരാൻ കാരണം. രോഗം പെട്ടെന്ന് കണ്ടെത്താനും മികച്ച ചികിത്സ ലഭ്യമാക്കാനും ഇത് ഉപകരിക്കുമെന്നതിനാൽ ഇത് ഏറെ ഗുണം ചെയ്യുമെന്നാണ് ആരോഗ്യ മന്ത്രാലയ വിലയിരുത്തുന്നത്.