റിയാദ്: സഊദിയിൽ വ്യാഴാഴ്ച റമദാൻ മാസപ്പിറവി  ദർശിക്കാൻ ആഹ്വാനം. സഊദി സുപ്രീം കോടതി​യാണ് ആഹ്വാനം ചെയ്തത്. വ്യാഴാഴ്​ച റമദാൻ മാസപ്പിറവി കാണുന്നവർ ഏറ്റവും അടുത്ത കോടതിയിൽ വിവരമറിയിക്കണ​മെന്ന്​ സുപ്രീം കോടതി ആവശ്യപ്പെട്ടു. നഗ്​ന നേത്രങ്ങളിലൂടെയോ  ഉപകരണങ്ങളിലൂടെയോ​ മാസപ്പിറവി കാണുന്നവർ ഉടനെ അടുത്ത കോടതിയിൽ നേരിട്ട്​ എത്തുകയോ ഫോൺ മുഖേനെ അറിയിക്കുകയോ ചെയ്യണമെന്നും കോടതി ആവശ്യപ്പെട്ടു.

 

       ഉമ്മുൽ ഖുറാ കലണ്ടർ പ്രകാരം ശഅ്​ബാൻ 30 വ്യാഴാഴ്​ചയാണ് പൂർത്തിയാകുന്നത്. എന്നാൽ, റജബ്​ 30 പൂർത്തിയായ ശേഷമാണ്​ ശഅ്​ബാൻ  മാസപ്പിറവിയുണ്ടായത്​ എന്നതിനാൽ  കാലഗണന പരിഗണിച്ചാൽ വ്യാഴാഴ്​ച ശഅ്​ബാൻ 29 പൂർത്തിയാവുകയേ ഉള്ളൂ.