ജിദ്ദ: സഊദിയിൽ വിശുദ്ധ റമദാൻ മാസത്തിൽ പൊതു മേഖലകളിലെയും സ്വകാര്യ മേഖലകളിലെയും ജോലി സമയത്തെക്കുറിച്ച് മാനവവിഭവശേഷി സാമൂഹികക്ഷേമ വകുപ്പ് മന്ത്രാലയം വ്യക്തമാക്കി.പൊതു മേഖലകളിൽ അഞ്ചു മണിക്കൂറും സ്വകാര്യ മേഖലകളിൽ ആറു മണിക്കൂറും ആയിരിക്കും പ്രവൃത്തി സമയം. പൊതു മേഖലകളിൽ രാവിലെ 10 മണി മുതൽ വൈകുന്നേരം 3 മണി വരെയായിരിക്കും പ്രവർത്തന സമയം.തൊഴിലിടങ്ങളിൽ ആരോഗ്യ മന്ത്രാലയം നിർദ്ദേശിച്ച രീതിയിലുള്ള സുരക്ഷാ ക്രമീകരണങ്ങൾ ഒരുക്കണമെന്ന് മാനവ വിഭവശേഷി സാമൂഹിക ക്ഷേമ മന്ത്രാലയം എല്ലാ തൊഴിലുടമകളോടും ആവശ്യപ്പെട്ടിരുന്നു.