തിരുവനന്തപുരം: വാളയാറില്‍ സഹോദരിമാരായ പെണ്‍കുട്ടികളുടെ ദുരൂഹ മരണവുമായി ബന്ധപ്പെട്ട് ജുഡിഷ്യല്‍ കമ്മിഷന്‍ അന്വേഷണ റിപ്പോര്‍ട്ട് സമര്‍പ്പിച്ചു. കേസ് അന്വേഷിച്ചതിലും പ്രോസിക്യൂഷന്‍ നടപടികളിലും വീഴ്ചകളുണ്ടായിട്ടുണ്ടോ, ഉണ്ടെങ്കില്‍ ഉത്തരവാദികള്‍ ആരൊക്കെ, അവര്‍ക്കെതിരേ എന്തു നടപടി സ്വീകരിക്കണം, ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ എന്തു നടപടികള്‍ സ്വീകരിക്കണം എന്നീ കാര്യങ്ങളാണ് റിട്ട. ജില്ലാ ജഡ്ജി പി.കെ ഹനീഫ അന്വേഷിച്ചത്.
അഞ്ചു മാസമായിരുന്നു കമ്മിഷന് നല്‍കിയിരുന്ന സമയം. ജില്ലാ പൊലിസ് മേധാവി, അന്വേഷണ ഉദ്യോഗസ്ഥര്‍, പബ്ലിക് പ്രോസിക്യൂട്ടര്‍, കുട്ടിയുടെ മാതാപിതാക്കള്‍ തുടങ്ങിയവരില്‍ നിന്ന് കമ്മിഷന്‍ വിവരങ്ങള്‍ ശേഖരിച്ചിരുന്നു. പൊതുജനങ്ങള്‍ക്കും സംഘടനകള്‍ക്കും വിവരങ്ങള്‍ നല്‍കാന്‍ അവസരം നല്‍കി.