റിയാദ്: സഊദിയിൽ റമദാനിൽ പേ പാർക്കിങ് സമയത്തിൽ മാറ്റം വരുത്തി. പേ പാർക്കിങ് സംവിധാനം കൈകാര്യം ചെയ്യുന്ന മൗഗിഫ് ആണ് സമയത്തിൽ മാറ്റംവരുത്തിയിരിക്കുന്നത്. റമദാനിലെ സമയ ക്രമീകരണ പ്രകാരം രാവിലെ പത്ത് മുതൽ വൈകീട്ട് നാല് വരെ പേ പാർക്കിങ് മേഖലകളിൽ വാഹനം പാർക്ക് ചെയ്യാൻ പണം അടക്കണം. നേരത്തെ ഉച്ചക്ക് പന്ത്രണ്ട് മുതൽ വൈകീട്ട് നാൾ വരെ സൗജന്യമായിരുന്നു. റമദാനിൽ നാല് മണിക്ക് ശേഷമാണ് സൗജന്യ പാർക്കിങ് ആരംഭിക്കുന്നത്. സമയ ക്രമീകരണം ശ്രദ്ധിക്കാതെ ഉച്ചക്ക് ശേഷം വാഹനം പാർക്ക് ചെയ്‌ത മലയാളികളടക്കമുള്ള നിരവധി പേർക്ക് പിഴ ഈടാക്കി. കിഴക്കൻ പ്രവിശ്യയിലെ വ്യാവസായിക നഗരിയായ ജുബൈൽ നഗരത്തിൽ നിരവധി മലയാളികൾ പിഴ ഈടാക്കിയതായ ഇത്തരത്തിലുള്ള സംഭവം പങ്കു വെച്ചു.