പയ്യന്നൂര്‍: പ്രവാചകന്റെ കാലത്ത് തന്നെ പ്രചാരം നേടിയ ഇസ്‌ലാമിക കലകളെ പ്രചരിപ്പിക്കാനും ഏറ്റെടുക്കാനും സമൂഹം തയാറാവണമെന്നു പാണക്കാട് റഷീദലി ശിഹാബ് തങ്ങള്‍. പാലക്കോട് ജില്ലാ ജംഇയ്യത്തുല്‍ മുഅല്ലിമീന്‍ കലാമേളയുടെ ഭാഗമായി നടത്തിയ സാംസ്‌കാരിക സന്ധ്യ ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യനു മറയില്ലാതെ ആസ്വദിക്കാന്‍ പറ്റിയ ഏക കല ഇസ്‌ലാമിക കലയാണ്. കലകളോടു പുറം തിരിിഞ്ഞിരിക്കുന്നത് അഭികാമ്യമല്ലെന്നും റഷീദലി തങ്ങള്‍ പറഞ്ഞു.
മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. കെ.പി.എ റഹീം മുഖ്യപ്രഭാഷണം നടത്തി. സുധീര്‍ വെങ്ങര, എ.കെ അബ്ദുല്‍ബാഖി, സൈതലവി ഫൈസി, അബ്ദുറഹ്മാന്‍ ദാരിമി, നവാസ് ദാരിമി, അഫ്‌സല്‍ രാമന്തളി, മുസ്തഫ കൊട്ടില, കെ.സി അബ്ദുല്‍ഖാദര്‍, സലാം പുതിയങ്ങാടി, ബഷീര്‍ പുളിങ്ങോം, സലാം പെരുമളാബാദ് സംസാരിച്ചു.
അധ്യാപകര്‍ക്കുള്ള ക്ഷേമനിധി ഫണ്ട് വിതരണ സംഗമം സമസ്ത ജില്ലാസെക്രട്ടറി കെ.ടി അബ്ദുല്ല മുസ്‌ലിയാര്‍ നിര്‍വഹിച്ചു. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. അബ്ദുസമദ് മുട്ടം പ്രഭാഷണം നടത്തി. കെ.എസ് അലി മൗലവി, ഷമീര്‍ അസ്ഹരി സംസാരിച്ചു. അബ്ദുറഹ്മാന്‍ ദാരിമി വേശാല, അലി ഫൈസി, കെ.സി അബ്ദുല്‍ സത്താര്‍, ടി.കെ മുഹമ്മദ്, സുഹൈല്‍ തടിക്കടവ്, റഫീഖ് മൗലവി, ഖാദര്‍ കീഴൂര്‍, കെ.സി അബ്ദുല്‍ഖാദര്‍, അബ്ദുറഹ്മാന്‍ അസ്അദി, ഹംസ മൗലവി ചമ്പാട്, അഫ്‌സല്‍ രാമന്തളി, അയൂബ് ദാരിമി തുടങ്ങിയവര്‍ സംബന്ധിച്ചു.