പേരാമ്പ്ര: മുളകുപൊടിയില്‍ വിദേശമദ്യത്തിന്റെ സ്റ്റിക്കര്‍ വിദേശത്തേക്കു കടത്താന്‍ ശ്രമിച്ചതു വിഫലമായി. വാളൂര്‍ നടുക്കണ്ടിപാറയില്‍ നിന്ന് വിദേശത്തേക്കു പോകുന്നയാള്‍ വശം കൊടുക്കുകയായിരുന്നു ലക്ഷ്യം.
എന്നാല്‍ സംശയം തോന്നിയ ഇയാള്‍ മുളകുപൊടി തുറന്നുനോക്കിയപ്പോഴാണ് സ്റ്റിക്കര്‍ ശ്രദ്ധയില്‍പെട്ടത്. വിദേശത്തുള്ള സുഹൃത്തിന് മുളകുപൊടി കൊടുക്കണമെന്ന് ആവശ്യപ്പെട്ടാണ് നാട്ടുകാരനായ വ്യക്തി വിദേശത്തു പോകുന്നയാളെ സമീപിച്ചത്. അവിടെ വ്യാജമദ്യം നിര്‍മിച്ച് വിദേശമദ്യത്തിന്റെ സ്റ്റിക്കര്‍ പതിച്ചു വില്‍ക്കാനാണെന്നാണ് സംശയം. പേരാമ്പ്ര പൊലിസില്‍ പരാതി നല്‍കി. എന്നാല്‍ സംഭവത്തില്‍ പൊലിസ് കേസെടുക്കാന്‍ വിമുഖത കാണിക്കുന്നതായി ആരോപണമുണ്ട്.